Toby梁靖琪 2019年再婚，下嫁細佢八年從事保險業嘅老公 施雋賢Jonathan，婚後育有兩子，一家四口幸福美滿，近日適逢Jonathan生日，Toby亦不忘喺社交平台公開放閃。
Toby晒出一家四口溫馨慶生相，Toby深情望住老公，兩個囝囝Roman同Rian就望住個蛋糕，仲想搶先爸爸一步吹蠟燭，非常可愛。另外仲有兩公婆單獨撐枱腳嘅相，Toby雙手環抱老公，露出幸福笑容。
Toby仲以英文寫下對老公嘅生日祝福，多謝老公照顧佢哋一家人，佢大讚老公就算幾忙，都唔會忽略家庭，好感激有老公在身邊陪伴自己共度未來。
