TVB鎮台之寶Liza姐汪明荃28號迎來78歲生日，正日有兩位小鮮肉周嘉洛同阮浩棕送蛋糕兼獻吻，氹得阿姐不知幾開心。除咗兩位現任小鮮肉好有心，前小鮮肉黃宗澤都依然好有阿姐歡心，喺阿姐工作時突然出現，送上壽桃造型嘅生日蛋糕，睇下阿姐笑容滿面，完全feel到佢有幾驚喜。
阿姐以「乖仔」稱呼Bosco，讚Bosco「祝福額娘生辰快樂」好有心！有網民就留言話「我的野蠻奶奶，加埋杏兒就perfect」。
無獨有偶，阿姐分享正日同家英哥以及屋企人開心慶祝嘅相，杏兒就留言祝賀「Happy birthday nai nai」再加上兩個愛心emoji。Bosco同杏兒呢對過氣情侶，分別以「額娘」同「奶奶」稱呼阿姐，都算係一種默契十足嘅另類合體。
