《2025年度香港小姐競選》總決賽倒數兩日，為咗呈現佳麗優雅華麗嘅一面，大會再度邀請國際知名婚紗設計師Viola Chan為佳麗設計晚裝。上屆四位港姐冠軍倪樂琳、亞軍梁嘉莹、季軍楊梓瑤同友誼小姐王汛文率先現身試衫，話咁快過咗一年，Viola大讚四位比起上年靚咗好多。
倪樂琳話過去一年過得好快，卸任之後應該少咗機會同其他佳麗一齊出席活動，所以有少少唔捨得。梁嘉莹、楊梓瑤同王汛文就分別畀師妹一啲溫馨提示。
對於今年嘅晚裝，幾位佳麗大讚好靚好有公主feel，試完之後直情唔捨得除低。為咗着晚裝呈現最靚一面，大家都要keep住最好嘅體態，飲食方面要特別小心。另外大家亦做足準備練習談吐同行catwalk，當然燦爛笑容都係必不可少啦！
