羅毓儀新歌化身愛神倒追求愛勇者 林俊其再施壁咚攻勢甜蜜指數爆表

人氣女神羅毓儀呢日為新歌《女神之翼》拍攝MV，仲搵嚟《女神配對計劃》節目中嘅CP林俊其擔任MV男主角，打正旗號甜蜜互動。

Yuki喺MV扮演愛神，為咗證明自己嘅能力，誓要攻陷男主角嘅心，講到被Yuki反攻嘅感覺，Kris就以「所有嘢都冧晒」嚟形容自己嘅心情，而且Yuki大爆Chris自薦要做MV男主角。

講到MV劇情，其中一幕Kris幫Yuki攞書架上面嘅書，再加埋一個不經意嘅壁咚，好有韓劇浪漫feel，成個畫面真係甜死人，相信大家睇完呢個MV後，一定更期待二人喺《女神配對計劃》配對成功，開花結果。