Chantel 姚焯菲 早前出席完最後一次公開活動，之後就投入準備赴美國升讀學，即將成為大學新鮮人嘅佢，近日似乎正到熱帶地方旅行順便收拾心情，潛心準備紐約大學嘅新生活。
經《聲夢傳奇》比賽入行嘅Chantel一直兼顧學業，雖然現身時都笑面迎人，不過佢早前接受訪問時，就透露年前赴新西蘭讀書時，因需兼顧學業同歌唱事業非常辛苦，加上網上嘅負面批評而曾情緒崩潰，更曾不欲返港。
Chantel指經過沉澱與自我鼓勵後，再終走出陰霾，由新西蘭返港後更先後推出新歌，又嘗試舞台劇同加入劇集《愛．回家之開心速遞》多方面發展，亦將入讀知名學府NYU嘅Music Business學系，繼續向醉心嘅音樂事業邁進。
