謝霆鋒45歲生日一家三口歡聚 謝賢罕現身與狄波拉陪阿仔探店嚐美食

謝霆鋒同18歲大仔Lucas（謝振軒）早前喺迪拜度假，8月29號係霆鋒45歲生日，噚日霆鋒喺社交平台貼出探店影片，見霆鋒相約爸爸謝賢同媽媽狄波拉開餐，而細妹謝婷婷上個月喺加國生B，要忙住湊小朋友，就未有出席家庭聚會。

謝賢於2022年憑《殺出個黃昏》首奪金像獎影帝，近年深居簡出，鮮有公開露面，更一度傳出中風消息。片中見88歲謝賢精神奕奕，跟主廚揮手打招呼，阿仔霆鋒就忙碌咁一邊食一邊介紹菜式，而拉姑開懷大嚼，品嚐各式美食，眾人大快朵頤，開心乾杯慶祝！