富商 鄔友正 早前帶腳傷參加《中聲4》海選，對唱歌熱情爆燈嘅佢，以拐杖現身已被讚士氣可嘉，而佢仲自爆，原來賽前除咗腳帶傷之外，更因之前進食魚生後胃痛又腹瀉，仍繼續參賽，之後更隨即飛往越南巡視業務，佢於社交平台寫道：
我是否好愚蠢，同樣的事可以錯兩次！
上次跌倒骨折，拖咗三天才看醫生，以至骨折部份移位，無法完全康復！
前幾天食咗魚生，腹瀉和胃痛得好厲害，我照去參加比賽，比賽完又不看醫生，照坐飛機去越南！在飛機上痛苦難頂，一落機就和香港家庭醫生網診，原來是腸胃炎，要食抗生素！又係拖咗三天！同樣的事錯兩次，太愚蠢了！痛定思痛，下定決心，以後作以下改變：
（1）減慢自己速度，防止跌倒！
（2）不諱疾忌醫，一有事火速看醫生！
（3）以後戒口，唔食魚生！
比賽當日，拿住拐杖，忍住腳痛，又腸胃炎，忍住胃痛，能完成比賽，我都佩服我的毅力！70歲才開始唱歌，練習咗不足三個月，我覺得自己交足功課了！當然好多負評，說我唱得差！但冇所謂，這些都是對我的鼓勵！最能逼你努力，不是你的朋友，而是你的仇人！我會繼續努力練習，相信再練多一年，我的唱功會判若兩人！這三個月的過程，非常享受！能夠站在專業評判面前，同一衆唱歌高手同台比賽，我這個初哥，非常滿足!
現在曲終人散，完美結局，可以乖乖地去工作和舉重健身！
九月六日我會做直播，同久違了的粉絲會面！
佢又指參賽後更加享受唱歌帶俾自己嘅歡樂，仲認為「識唱歌跳舞的老闆，才算完美！」，所以待腳傷康復後會繼續學習唱歌同跳舞咁話，希望下一屆《中年好聲音5》嘅時候，鄔生會以更佳表現參加啦。