62歲李連杰近年因身體狀況而減少喺公眾場合露面，早前佢上載醫院病床憔悴照，透露之前入院，近日再次喺社交平台交代病情，承認接受手術切除腫瘤。
李連杰喺今年4月26號生日照鏡嗰陣，發現頸部有腫塊，起初睇耳鼻喉科醫生，指有可能係牙齦炎影響淋巴發炎，佢食咗一星期嘅消炎藥，情況依未有改善，李連杰喺醫生建議下，一邊工作一邊先後接受超音波檢查、CT及穿刺化驗，結果顯示腫塊係良性，但「有些東西看不清」，最終李連杰喺8月完成手頭上工作，再做切片化驗，報告指腫塊係良性，確定腫瘤百分百係良性，但係保證起見，決定切除腫塊。
李連杰曾詢問過醫生，呢個手術有幾大：「醫生說按醫學來講分1到7級，最高難度是叫7級，每一級ABCD這麼分，28個等級，醫生說這個手術在醫學上是第5的D，也是第20級。」
李連杰認為自己只係普通人：「對我來說，你知道硬件出問題就要面對，任何事情都OK，不OK也OK，我是一個普通人，有問題就修，修理就拿掉，拿掉就沒事，現在發展到最好的一塊。假如不是良性，就面對甚至萬分之一、十萬分之一，意外在手術床上走了，也有可能，甚麼都要去面對…」李連杰又指9月將復工繼續做公益工作。