有「地獄廚神」之稱嘅Godon Ramsay平時除咗兇狠鬧人出晒名之外，私下佢仲係一名戶外運動發燒友，一有時間就會出門踩單車保持佢不俗嘅身形，最近更參加三項體人賽，認真寶刀未老。
但去年7月佢就遇上幾乎攞佢仲嘅交通意外，年近60嘅佢當時事後仲公開於社交平台展示傷勢，整個側腹大片瘀傷，非常嚇人。事隔一年，佢突然於網上公開自己左耳下方嘅傷口照片，仲指自己原來患有皮膚惡性腫瘤「基底細胞癌」，已完成切除手術。
雖然帖文簡短又幽默指自己並非換臉整容，不過基底細胞癌其實有70到90%生長於臉部或容易被陽光照射嘅皮膚，如未能及時發現更可能會導致局部神經遭破壞，更有數據指美國白人中有35%男性同25％女性曾患有呢個疾病。
Gordon嘅傷口就可見由頸側延伸至外耳，足足3、4吋長。佢仲語重心長勸告大家一定要做好防曬咁話。
