陳豪當年喺TVB經典劇集《溏心風暴》飾演癡情男「得得地」，甘願做兵一直苦戀「常在心」，嘉欣近日為新歌宣傳，噚日喺社交平台上載跟陳豪嘅影片，再次重演《溏心風暴》嘅「甲方願意為乙方赴湯蹈火直至到永遠」經典場口，掀起回憶殺！
當年《溏心風暴》講「得得地」陳豪以無條件借錢幫「常在心」鍾嘉欣，令女方十分感激，立下借據，「甲方感激乙方， 乙方將來如有任何困難，甲方必定赴湯蹈火， 無條件幫忙， 此承諾為一生一世， 直至任何一方死亡為止 」，陳豪嘅癡情男形象，感動不少觀眾，並留下深刻印象。
今次嘉欣與陳豪再次合體，「常在心」嘉欣問「得得地」陳豪點樣宣傳新歌，陳豪拎出「承諾書」畀鍾嘉欣讀，嘉欣一邊讀一邊露出感動表情，更淚水在眼眶打轉，然後播出嘉欣嘅新歌，二人開心相擁，更望向鏡頭曬Ｖ字手勢，大玩「回憶殺」全程交足戲，難怪令劇迷咁感動啦！
