鄭伊健 近日到台灣宣傳跟 許恩怡 主演嘅電影，戲中伊健飾演深情音樂人，同細自己36歲嘅許恩怡合作，伊健坦言兩人並無代溝，佢亦鍾意與年輕演員合作，因為可以令佢充滿活力。相隔三年先有新戲推出，伊健笑指冇人搵佢，佢解釋係因為自己希望嘗試演唔同嘅角色。
伊健當年憑《古惑仔》系列電影中 陳浩南 一角紅遍亞洲，陳浩南呢個名，更成為古惑仔嘅代名詞。唔少人都想見到伊健飾演嘅陳浩南再現大螢幕，有傳曾經有片商，向伊健出價七百萬人民幣，邀請佢出演陳浩南一角，而拍攝戲份只需要一日時間。伊健指自己年紀太大，唔想再打打殺殺，佢笑指「《古惑仔》可以重拍，但唔好搵我啦！」不過伊健並冇打算退休，愛接受挑嘅期望參演未演過嘅題材。
