一年一度嘅港姐競選星期日晚隆重舉行，賽前一眾嘉賓聯同無綫電視高層，一同現身紅地氈參與盛事。而有份評審嘅評判亦事先於紅地氈現場同傳媒會面。今年競選由 錢家樂 麥美恩 以及近來熱爆嘅「女神CP」 曾展望 同 葉蒨文 聯手主持。
一眾港姐前輩 好似 馮盈盈 同 陳曉樺 以壓軸之姿現身，盡顯不同美態，FYY嘅低胸露背香檳金晚妝，大方散發女人味，佢仲話係配角呢晚主題嘅夢幻感覺，相信大家都一定感應得到咁話。而Hera就以一身黑色露肩裝出現喇。
至於同樣淺色系拖住手出場嘅﹐就係近年劇集不斷現身嘅 劉佩玥 劉穎鏇 同 郭柏姸 ，阿Moon早前亦夠同眾應屆住麗到大馬拍攝外景，呢日佢就指自己以簡潔打扮出現喇。而Rosita嘅中空晚裝亦小騷性感。
兩位東張女神 何沛珈 就同 李芷晴 一齊踏上紅地氈，Step更以一襲美人魚裝大顯自己嘅好身材，Rosanne就輕露玉背同香肩喇。
攞正牌由戀綜拍住拖上港姐舞台嘅Sophie同GM，兩人都係首次主持大騷，不過就齊齊話緊張，點知講講吓就變成耍花槍，又指大家只係工作夥伴唔會亂放閃喎，真係冤氣呀。
至於即將今晚就卸任嘅2024港姐呢日亦盛裝出席，準備為新一屆師妹加冕，加上其他打扮得花枝招展嘅嘉賓藝人，令現場星光閃耀呀。