2025港姐競選圓滿結束，而最迎升任人母嘅 麥明詩 亦轉眼發現原來自己已經當選10年，仲指做咗媽咪後「第一次坐定定睇電視」就係欣賞星期日晚舉行嘅港姐決賽，仲順便懷緬參選當年同亞軍 龐卓欣 以及季軍 郭嘉文 仲有友誼小姐 林凱恩 嘅珍貴回憶。
Louisa當年以十優港姐之名當選2015年港姐冠軍，之後邁步加入娛樂圈，雖然2019年考獲律師後轉型，不過仍不時參與唔同活動，去年與機師男友 盛勁為 結婚，今年更升任人母，生活豐盛。
而亞軍 龐卓欣 完成港姐親善任務後，未有投入娛樂事業，而發展個人影片頻道，家境富裕嘅佢不時分享旅遊飲食以及扮靚心得。
至於 郭嘉文 當選後就曾拍劇同擔任《東張西望》主持，不過當中最引人注目嘅相信就係佢被傳同城中富商 李澤階 曾傳緋聞喇，Karmen同友誼小姐林凱恩 亦特別老友，過往不時相約出遊，Iris當選後曾拍攝唔少劇集，當中《愛．回家》嘅譚育英以及兩輯《降魔的》嘅阿Ling都大受注目。
