2025香港小姐競選星期日晚圓滿結束，冠軍 陳詠詩 獲得加冕成為新一屆港姐，接受完全港傳媒連串訪問後，Stacey深夜返抵酒店，接受爸爸以及妹妹嘅擁抱同祝賀。而原來唔止家姐靚到成為港姐冠軍，Stacey嘅妹妹亦一樣省鏡，仲話可能會追隨家姐他日考慮參選呀。
妹妹又提到家姐對家姐報名參選唔太意外，佢亦同家姐一樣好動，過往係花式跳繩運動員。Stacey就指自細就同妹妹參加唔同運動同音樂訓練，到後來就專注藝術體操。
而非常斯文嘅陳爸爸，亦指囡囡一向聰穎，仲係考試天才，唔使自己擔心。仲爆囡囡一向愛美，所以今次當選港姐非常引以為傲，更寄語Stacey要向外宣揚教育同行善，亦要關懷弱勢，要秉承曾祖父 陳瑞祺 嘅家族慈善事業傳統呀。
