任晴佳獲名錶邀請成為品牌好友 隨父母踏入時尚圈高佻美貌成焦點

任達華 同名模太太 琦琦 嘅21歲囡囡 任晴佳 繼承父母嘅高佻身材，仲就讚於英國知名學府倫敦政治經濟學院，美貌智慧兼備。華哥曾稱不欲囡囡加入娛樂圈，更指會將名下30個位於全球各地嘅物業留予寶貝女，不過近年Ella就不時會以模特兒身份現身大眾視線喇。

Ella過往已多次同父母一齊現身不同活動，近日更與父母當年一樣，獲邀成為名錶品牌好友。正攻讀社會學、金融同數學等學科嘅Ella，被品牌形容為對時尚同創新思維都有獨特見解，而身為學霸嘅佢仲指自己對時間管理非常重視，就算拍攝期間，一有空閒就會投入研究AI或修改論文。