黃劍文（Kimman）、谷婭溦、周吉佩、羅啟豪及譚輝智早前喺啟德體藝館舉行嘅演唱會，五人輪流出場後，再合唱《星秀傳說》，黃劍文當晚大騷舞技，跳唱《Baby One More Time》及《夢伴》，劍文同吉吉一齊唱《用背脊唱情歌》，吉吉露出背肌。
劍文為咗今次演唱會，早喺三個月前已開始落力做健身，今次服裝係佢演出以來最性感嘅一次！其中一件背心超低胸，仲有一套係露出手臂，完全Show出佢練出嚟嘅成果，連啲「老鼠仔」肌肉線條都睇得好清楚。
周吉佩、羅啟豪、譚輝智與劍文化身港版「中年F4」合唱《流星雨》，眾人以連串快歌Medly，令全場觀眾邊唱邊跳，劍文完騷後收到好多歌迷熱烈回應，大家支持佢轉型做跳唱歌手，令劍文開心到爆！