許光漢退伍後首次公開獻唱 與落日飛車合唱盡顯默契

台灣男神許光漢退伍後積極投入工作，啱啱過去嘅周末佢先快閃香港宣傳張艾嘉監製嘅新戲，之後又返台灣參加一個音樂節，除咗演唱個人solo作品之外，佢更同樂隊落日飛車同台合唱，盡顯默契。

落日飛車嘅成員國國，仲抵死表示上天好唔公平，話許光漢只差唔識寫歌，否則大家都無飯吃呀。其實光漢同落日飛車相識多年，更多次出現喺佢哋嘅mv之中，當兵前光漢更同竇靖童合作演出落日飛車嘅mv，連退伍後首次公開獻唱，都係為落日飛車客串一日主唱，可見佢哋交情匪淺呀。