有「顧老闆」之稱嘅顧紀筠自淡出後一直經營珠寶生意兼過闊太生活，生活幸福美滿。日前顧老闆迎嚟63歲生日，佢喺社交平台分享連串慶生照，曬出同老公陳仕煒以及與宣萱、鄭裕玲合照外，仲有多個生日蛋糕同鮮花，當中最搶眼莫過於一個巨型嘅Labubu蛋糕！
顧老闆除咗配文寫：「Cake and more Birthday cakes!! Thanks! Thanks! Thanks!」多謝親朋好友為自己慶生，仲更正自己嘅真實生日唔係網上所寫嘅8月28號，而係9月1號先啱。顧老闆就話：「我的生日其實是9月1日；網上資訊是8月28日。 過了這麼多年，我不會再費心糾正了。自從COVID之後，我沒有在香港慶祝生日。這一年，摯友溫暖讓我感到無比的感恩，連續幾天的慶祝活動到來！我非常非常感激！愛你們，祝大家幸福健康！！」
顧老闆同繼子陳浚霆（Andrew）感情極好，Andrew都喺社交平台向對方送上祝福，好Sweet咁表白：「I love you, you are the best」，仲話：「多謝你的包容，多謝你的體諒，多謝你明白我。盡在不言中，願你身體健康，每天都開心快樂」Andrew又向顧老闆唱生日歌，氹得顧老闆好開心。
