陳淑芬宴請老友聚餐 93歲冬嬸精神奕奕現身

資深傳媒人 汪曼玲 於演藝界人緣甚佳，與不少藝人及幕後人份屬老友，汪姐喺社交平台分享陳太陳淑芬宴請一眾老友食飯，出席嘅好友包括胡楓、姜大衞夫婦、米雪、肥媽、黑妹、潘嘉德、三姐蕭秀香、連炎輝、李浩林、周美鳳、林澄光等人。

而年屆93歲嘅 吳君如 媽咪 冬嬸 ，就喺兒子 吳君祥 陪同下出席，精神奕奕嘅冬嬸睇落完全唔似93歲，佢全程笑容燦爛，米雪更把掘難得機會跟前輩影相留念。同樣完全唔似93歲嘅座上客仲有修哥，一向鬼馬嘅佢同肥媽、黑妹邊食邊笑，氣氛相當開心。