呂慧儀生日與熊家食飯慶祝 驚喜偶遇發哥親整長壽麵

生日快樂呀！今日（3號）係長腳蟹呂慧儀嘅正日生日，壽星女喺社交平台分享生日喜悅，佢話今年生日係最喜嘅一年，有熊家人一齊過，有六美飯團，仲喺11廠切生日蛋糕。

另外仲有彩蛋驚喜，就係熊家同壽星女食飯慶祝時，偶遇發哥周潤發，當發哥知道大家為長腳壽慶祝生日時，窩心嘅發哥即場親自下廚，為壽星女整長壽麵，長腳蟹形容自己開心到瞓唔着。

第九年跟愛回家慶祝生日，長腳蟹好感恩有身邊嘅每一位，感恩有愛護自己嘅大家，感恩有愛嘅熊寶寶，感恩有發哥同我哋嘅自拍，仲遇到白茵姐。