王祖藍 同太太 李亞男 日前現身喺電視城舉行嘅中秋食品展銷會，兩位以老闆身份親自向TVB同事推銷食品。兩位夫妻檔拍住上，祖藍嘅負責食物，亞男負責設計包裝，非常認真。喺展銷會上，佢地熱情招呼大家試食，完全做到冇停手。拍《愛・回家之開心速遞》嘅 陳浚霆 仲帶住鬍鬚妝出現，邊食邊小心翼翼保護個妝，非常好笑。
祖藍同亞男返嚟TVB嘅心情都非常興奮，雖然好忙，但佢地都覺得好似借呢個機會同昔日同事見面。講到最想見嘅人，祖藍就話最想見獎門人曾志偉同主席許濤先生！
祖藍嘅好友細細粒陳嘉佳都有到場探班，仲幫祖藍同亞男拍片宣傳。細細粒貴為喺內地直播帶貨女王，都傳授唔少銷售策略俾祖藍，令祖藍都要叫佢一聲「細總」，仲大爆細細粒物業多多，遍布港九新界。祖藍亦好開心可以見到細細粒闖出一條血路，可以有一番事業成就。
祖藍同亞男嘅兩位千金日前經已開學，為安排小朋友學習同課外活動，都令佢地非常忙碌！不過祖藍就好慶幸仲有一張「急救牌」，就係作為同校家長嘅蔡少芬，萬一自己有咩唔明都可以向Ada求救。
