聽日（5號）係黃子華嘅65歲生日，身邊唔少朋友陸續為佢慶祝，正如同佢喺舞台劇合作嘅拍檔劉嘉玲，相約一眾劇中演員為子華預祝生日。不過喺嘉玲分享嘅大合照當中，有位戴帽嘅女子好肉緊咁從後攬實子華，即使令網民猜測子華是否有新戀情？
事件喺網上持續發酵，一向絕口不談感情事嘅子華，罕有喺社交平台回應「擁抱者」一事，佢以一貫輕鬆自在嘅帶笑方式指「這種給大家茶餘飯後幫助消化的小事，原本笑過便算。但為了減少給別人帶來的不便，看來還是補充幾句吧。相中人是好友黃呈欣。10多年前在『咁愛咁做』舞台劇中，飾演我的女兒。自此每次見面，都會像父女般互相擁抱」。
子華指二人上次見面大概喺5年前，今次重聚適逢「老竇」生日，子華笑稱佢同黃呈欣當然更加鬼馬。唔少網民都估唔到子華呢次會開post澄清，更笑指好多人都想擁抱子華，粉絲仲紛紛留言祝偶像子華生日快樂！
