曾之喬自爆患上產後抑鬱 幸得老公辰亦儒悉心照顧

曾之喬喺二月嘅時候宣布誕下仔仔，經過半年嘅休養，喬喬終於復工出席活動。一向性格開朗嘅佢，呢日就自爆曾經患上產後抑鬱，佢形容當時腦袋似漿糊，唔只表達能力出現問題，連過馬路時都會睇好耐，擔心自己會犯錯，甚至抱小孩時都擔心會唔會抱唔穩。幸得老公辰亦儒悉心照顧同鼓勵。

好多女藝人生完BB後都要努力修身，先可以回復產前體態，不過喬喬就冇呢個困擾，唔單止修身成功，仲瘦過之前，佢話因為自己湊BB時都食無定時，加上做極唔完嘅家務。佢話自己跟老公都係唔錯嘅隊友，喺照顧BB嘅環境上都互相配合。