劍神張家朗呢日同兩位人氣泰星Apo Nattawin與Mile Phakphum現身中環出席時裝品牌活動，家朗話佢同二人之前已見過面，仲大讚兩人靚仔有型，講到全運會好快舉行，家朗預告進行完一個比賽後，就要備戰全運會，佢希望有主場之利，同埋聽到市民打氣聲，自己能夠發揮應有嘅水準。
Apo同Mile就話今次再次嚟港，加上細個就接觸香港電影，佢哋都感到好親切，Apo大讚梁朝偉越嚟越有魅力，Mile則欣賞周潤發有一種親切感，自己阿爸與周潤發同年，見周潤發能演出一啲非常帥氣嘅男主角，又能展現豐富嘅演技，每次角色都演到唔同嘅感覺去觸動觀眾嘅心。
Apo同Mile亦好難忘去巴黎時裝周，跟周杰倫碰面，佢哋笑指原來大家有互相關注社交平台，更獲周杰倫暖心鼓勵。
