韓國大勢男團SEVENTEEN嘅人氣成員 金玟奎 (Mingyu)單拖來港出席代言活動，大批粉絲逼爆商場，場面墟冚。唔少粉絲為見偶像一面，甚至前一晚已經到商場外漏夜排隊。當金玟奎一現身，現場過千粉絲嗌爆喉嚨，聲勢非常驚人。
而出名寵粉嘅金玟奎亦冇令大家失望，唔止大派心心，仲用廣東話同大家打招呼。金玟奎更即場演繹廣告中嘅廣東話台詞「醒吓啦」同「唔該借借」，搭配唔同語氣同表情，非常可愛。
活動完結前，金玟奎除咗預告月底會同SEVENTEEN再來香港開演唱會，仲好sweet咁提醒大家散場時要小心安全，講完再大派飛吻，咁識得冧人，唔怪得有咁多粉絲啦！
