Tyson Yoshi被爆有「老婆仔女」出手反擊 怒揭林家謙深圳早有住家

早前已同Christy成婚嘅 Tyson Yoshi 曾提過會努力造人早日生BB，估唔到早前被 林家謙 演唱會訪問時一時口快爆出似乎太太已有喜。呢日Tyson現身活動時，就對老友係口快定整蠱難以分辦，又指對方只係亂噏，暫時未有喜訊公佈咁話喇。至於現場傳媒朋友起哄叫佢反爆對方料，Tyson就搞笑扮認真話家謙早喺深圳有頭住家喇。

其實呢對好友互相傷害嘅事件可以話無日無之，家謙演唱會尾場當晚，就曾公開取笑Tyson永遠都常備雞胸，點知就反被宣萱窒返轉頭，令Tyson沾沾自喜呀。