1997年香港小姐冠軍鄔翁嘉穗應邀公開畫作參與畫展，開幕禮上獲各界好友到嚟支持，場面熱鬧。 一眾慧妍雅集嘅好友亦現身盛會，翁嘉穗細心為大家介紹作品，而周慧敏及楊超成等好友亦送上花籃祝賀。
翁嘉穗為畫展創作出一幅奪目嘅熊Bear Bear畫作，佢好開心能夠以畫家身份參展，同時係佢首次參與畫展。翁嘉穗透露現時有七至八幅畫作，終極目標係舉辦個人畫展，但下次會先期待與其他畫家一齊舉行展覽，因免得要應付太多畫作而增添壓力。
翁嘉穗從細就對畫畫有濃厚興趣，自從當選港姐及結婚生仔後，翁嘉穗惟有放下興趣，直至生細仔後患上產後抑鬱，佢發現重拾畫筆畫畫時，能夠放鬆自我兼尋回興趣，因此將興趣變成專業去做。
講到丈夫鄔友正近年對音樂有熱誠，夫婦兩人各有目標興趣發展，翁嘉穗笑言以前唔覺丈夫鍾意唱歌，但大家做到鍾意做嘅事都係開心。翁嘉穗今次獲好友關尚鵬邀請參展，而關先生喺畫作中，發現翁嘉穗繪畫風格有所改變，勇於挑戰自己、尋求突破。
