龔嘉欣 早前跟隨慈善機構去到孟加拉作七日探訪，首次踏足呢個地方，嘉欣出發前都做咗唔少準備，例如打預防針、開會傾談行程、了解探訪者嘅資料。嘉欣話抵達當地接觸受訪者後，更明白佢哋面對嘅困難。
嘉欣先後走訪咗貧民窟同難民營，佢話每個地方嘅人，都有各自面對嘅問題。完成探訪行程後，嘉欣坦言七日行程係完全唔足夠，因為好多時會遇上採訪時間嘅限制。
喺行程中，嘉欣體會到當地人生活喺惡劣環境下，亦接觸幾個個案，令佢相當難忘，包括有人逃難時，面對全家人喺面前被人殺害，又有人遭到性侵。另外當地童婚嘅問題，同樣令嘉欣感到無奈。
