苟芸慧自2018年同錫礦大王後人兼賽車手陸漢洋結婚後淡出娛樂圈，二人多年婚姻屢傳出現暗湧。苟姑娘終於喺4月出席活動時，承認離婚手續已辦得差不多，並宣布全面復出。
雖然愛情失意，但苟姑娘生活多姿多采，不時同朋友聚會，完全不愁寂寞。日前苟姑娘就喺社交平台分享為黃日華、林迪安慶祝生日嘅近照，更寫上：「黃日華大哥，迪安哥，AMY生日快樂」。而佢同華哥仲頭貼頭合照，可見相當老友。
從相中可見，頭戴草帽、紥住麻花辮嘅苟姑娘打扮樸素，但駐顏有術嘅佢，唔只皮膚靚，氣息仲非常好，不愧係凍齡美魔女啊！
苟芸慧單身生活多姿多采 出席聚會為黃日華林迪安慶祝生日
