全智賢終於有新作喇！新劇將會同姜棟元合作，兩大顏值天花板破天荒合作，劇迷收到風後都相當期待，而呢日全智賢就聯同姜棟元、李美淑、金海淑、朴解浚等一眾實力派演員宣傳。
今次全智賢嘅角色有別於《來自星星的你》入面嘅傻白甜角色，反而選擇政治陰謀諜戰燒腦題材，全智賢接拍唔多唔少係因為拍檔姜棟元，仲公開表示自己係對方嘅粉絲，佢又指本身自己已經好鍾意對方，而拍攝後了解到更多姜棟元嘅為人，所以就更加鍾意佢。
姜棟元相隔超過20年再次演出電視劇，坊間一度以為係假消息，唔少傳媒都唔相信男神會由大銀幕轉戰電視劇，記者會上姜棟元就指如果係喺佢同全智賢年輕時遇見，會有截然不同嘅感覺，佢又指同全智賢睇play back時，曾經半開玩笑咁表示，大家有種看透世事嘅感覺。