李嘉欣愛子許建彤近照曝光 14歲Jayden高過媽咪半個頭

大美人李嘉欣喺2008年11月與許晉亨舉行婚禮，翌年10月誕下囝囝Jayden許建彤。Michele多年嚟都悉心照顧家庭，現年14歲嘅Jayden舊年就去咗英國升學，入讀貴族寄宿學校威靈頓公學。Michele同老公不時都會飛到英國陪伴Jayden，放假時又會一家三口外遊。

Jayden今個暑假亦趁機返港，日前就有網民喺香港嘅名店偶遇Michele母子，相中所見，只得14歲嘅Jayden，外型非常高大，兼且高過媽咪半個頭，直接形容就係「高富帥」，相比起Michele之前分享嘅相片，當時Jayden仍然未高過媽咪。不過Jayden即使再高大，喺Michele心中仍然係BB一樣，正如佢喺今年母親節分享一條母子嘅短片，片中盡現母子之間嘅溫情。