凍齡女神 伍詠薇 以最佳狀態上陣拍攝廣告，見佢舉手投足以至笑容及體態都散發活力艷光，在場嘅拍攝隊團都被伍姑娘嘅開心感染，氛圍愉快，伍詠薇更笑指團隊係關愛團隊令佢好窩心。
伍姑娘雖然已經56歲，但望落一啲都唔似，因為佢一直養生有道，盡量減少都巿人日夜顛倒生活，好好照顧自己作息，先可以保持住呢份優雅，加上伍姑娘一星期最少進行一次高溫瑜伽運動，爆汗感覺令佢好爽，有着充滿自信美麗嘅感覺，先可以保持住呢份優雅，最重要係可以令身心健康。
伍姑娘之前同林敏驄合作拍戲，阿驄出名玩得癲又最鍾意整蠱人，合作過嘅人都知佢會無定向爆肚，好彩伍姑娘都道行到家，先可以同阿驄過兩招，不過都會成日忍唔到笑。