7月先完成紅館10場演唱會嘅 陳慧琳 星期六踏入53歲生日，兩星期前為 林家謙 擔任嘉賓嘅Kelly，當時曾被對方指首次踏入紅館就係欣賞自己演出，而Kelly當時仲自嘲家謙可能胎教時已聽自己嘅歌曲。
出道滿30年嘅Kelly，雖然早已為兩子之母，但近年再踏舞台凍齡美貌身材不變，難以相信已年過半百，於社交平台貼出數張唔同相片簡單慶祝生日嘅佢，更指「今年過得很豐盛😁😄」。
不時面帶笑容嘅Kelly性格開朗樂天，多年來形象正派，甚得觀眾歌迷喜愛。出身珠寶千金嘅Kelly，本人亦投資有道，被形容為「鋪后」，據指佢於港九新界各區都擁有高質商鋪，市值超過數億港元，而與其青梅竹馬；結婚17年嘅丈夫Alex同樣擁有多個商廈物業，家底非常豐厚。
