高海寧（高Ling）早前忙過不停，由於新劇《璀璨之城》延拍，令高Ling有時間放假去旅行，早前佢去完澳洲，日前佢出發去峇里，高Ling連日先喺社交平台大曬多張小背心嘅靚相，展現驕人身材，原來高Ling喺當地學瑜伽，素顏嘅高Ling更大曬疑似「男友視角」！？
高Ling近年愛上瑜伽運動，練成火辣辣身材，相中見佢穿運動bra top及瑜伽褲，盡騷完美曲線，認真上空中瑜伽課，身材玲瓏有致，而佢腹部兩側線條結實零贅肉，非常吸晴！喺高Ling多張「男友視角」嘅靚相當中，見到一張佢同顏卓靈嘅合照，原來二人呢次係相約峇里閨密遊。
高Ling由拍《夫妻的博弈》時一直受濕疹困擾，眼睛反覆紅腫甚至發炎，高Ling睇中、西醫接受治療，患處好痕，皮膚甩皮覺得好乾，此行高Ling亦透露旅行期間，其眼角紅腫，似乎濕疹又翻發，不過就未有影響高Ling度假嘅愉快心情！
