韓國女團BLACKPINK人氣一直處於顛峰狀態，事業得意，愛情同樣精彩。除咗Lisa同LV三公子嘅緋聞傳得似層層，幾乎變成公開秘密，近日Jennie就被目擊喺加拿大度假，並疑似有新戀情。
BLACKPINK近期忙完世界巡迴演唱會英國站演出後，4位成員Lisa、Jennie、Jisoo及Rosé各自休息，身處加國溫哥華度假嘅Jennie 就被網民發現，佢同與曾演出浪漫喜劇《台北之戀》嘅美國演員Nico Hiraga 戴着同款鴨咀帽共遊溫哥華，仲有人影到疑似係二人手拖手散步，搭曬膊頭有講有笑嘅相，認為Nico係Jennie新男友！
雖然Jennie於上年都被拍過與Nico一起嘅相，但當時冇親密互動，所以外界認為二人純屬好友。呢次再有疑似拍拖相出現，韓國粉絲就覺得呢啲互動係認朋友間互動，並希望外界俾啲Jennie空間，別打擾佢放假。
