姜皓文 葉童 廖子妤 凌文龍 尹揚明 日前現身新戲《惡人當道》首映禮，呢次黑哥飾演破格惡人，而Ceci就係一位憶子過度而抑鬱嘅媽媽，兩人對手戲精彩絕倫。黑哥喺戲中嘅動作場面雖然唔多，不過由於場地所限，令佢打起嚟都覺得唔容易，而佢亦大讚劇組喺置景同化妝非常用心，連佢身上嘅紋身圖案都畫得特別靚。
Ceci喺戲中會有歇斯底里表現，加上角色性格抑鬱，完全顛覆現實中佢嘅優雅氣質形象，佢仲笑言自己係被導演呃要劇組。雖然角色性格沉重，但Ceci覺得角色亦有自己靚嘅一面，只係比較沉重。
Fish雖然冇份打，但佢喺拍一場被脅持戲份，因為角色需要表現出危機解除後突然放鬆，點知放得太鬆而跌坐喺地，令尾龍骨唔小心跌傷。而作為戲中大反派嘅凌文龍就好開心一試做壞人嘅滋味，因為身邊有唔少手下，令佢非常型，而且呢次仲係佢第一次做反派添！
