黃博 近日以《中年好聲音3》冠軍身份，代表 TVB 到蒙古嘅烏蘭巴托，參加亞太廣播聯盟嘅年度音樂節，同來自各國地區代表嘅歌手為節目演出，除咗阿博之外，仲有來自日本嘅 Ms. OOJA 、早前於Waterbomb演出性感撩人嘅韓國歌手權恩妃、澳門代表 陳倚俐 等多位歌手一同參與。
阿博日前已抵達當地準備，亦於13號晚嘅音樂會中，現場獻唱佢嘅首支個人歌曲《有一種執著》，佢仲趁空餘時間拍片帶大家一齊參觀同體驗當地風貌。ABU音樂節由聯盟成員組織舉辦。今年選址烏蘭巴托舉行，作為一場非競賽性嘅流行音樂會，展現亞太地區廣泛嘅地理同文化。音樂節嘅核心係一場歷時個半鐘嘅音樂會，展示來自不同國家音樂界嘅頂尖獨奏同樂隊人才。
