陳貝兒 Janis 主持嘅《無窮之路》唔經唔覺就已經嚟到第五輯，之前幾輯都獲得唔錯成績，除咗三度為Janis奪得《萬千星輝頒獎典禮》嘅「最佳女主持」外，《無窮之路IV——一帶一路》更於《2025紐約電視電影節》中贏得「國際事務紀錄片組別優異獎」。
14號Janis就喺社交平台PO出多張拍攝《無窮之路5》嘅花絮照，當中有佢戴住安全帽、坐喺三輪貨車上飲水嘅相，着住救生衣坐喺船艙大門發呆嘅照片、仲有佢同岑應等《無窮之路》幕後工作人員喺唔同地方嘅合照。
Janis喺帖文中分享今輯佢哋將會去咗拍攝景點：「《無窮之路5》開拍啦，第5年了，拍咩呢？今年嘅主題我好鍾意，期待同你分享更多。今輯會去足十幾個省。我哋6人團隊已經拍咗貴陽、安順、廣州、寧波、廈門、深圳⋯⋯今站更加黎（嚟）到北京、長城下。」
