林敏驄、伍詠薇、羅莽、羅浩銘 及 馮素波 等呢日現身新戲首映，杜德偉亦到場支持好友，柯煒林早前宣布患癌停工，有現身電影謝票活動，令觀眾感到好驚喜。
羅師傅日前失聯，令網民好擔心，羅師傅解釋只係手機壞咗先搵唔到佢，呢日羅師傅有現身，相比往日就冇咁精靈及敏捷，羅師傅到場前，一向鬼馬嘅阿驄貫徹幽默作風，話羅師傅去咗「冇聽」，又表示自己一直好關心羅師傅，又指羅師傅有神功護體。
伍詠薇同阿驄呢次喺戲中飾演兩公婆，佢哋受訪時互笠高帽，又搞笑互窒對方，伍詠薇爆阿驄成日爆肚改對白，令劇情更漂亮又精彩，讚阿驄真係才子！阿驄就話伍詠薇傻笑嗰陣都好靚。
羅浩銘同波姐對羅師傅及柯煒林同樣關心，二人有向羅師傅送上問候，羅浩銘全程都好照顧羅師傅，佢哋同時亦為柯煒林打氣。
