《中聲3》孖寶劉洋同李金凱舉行新歌發布會，會場一早就塞滿嚟支持嘅FANS，劉洋同金凱當然以自己嘅靚聲報答大家支持，獻唱新歌《別離開我》同《不會愛的人》。
活動上發生咗小插曲，突然出現技術問題播唔到歌，好彩金凱及時發揮執生技能，扮歌神張學友唱歌搞笑，化解尷尬氣氛。
劉洋同金凱嘅默契同鬼馬互動同樣令大家非常開心，佢哋都話希望組成限定男子組合活動，希望好似羅大佑、周華健等組成縱實線咁樣組隊開騷同出歌，男團名尚未有諗法。 
劉洋之前完成咗演唱會之後，就放假去咗澳州旅行，喺當地就收到一個好消息，新歌登上勁歌金榜第三位，佢亦好多謝歌迷不斷重聽佢嘅新歌。相反金凱唔希望歌迷Loop佢首歌，講笑話擔心歌迷會聽到厭。
