已為兩子之父嘅黎諾㦤，努力喺幕前搵錢，同時有尋找一啲被動收入，拍攝節目時就分享理財概念，要及早準備好嘅身體同好嘅心理，同埋財務健康先得。
諾㦤笑指自己理財比較叻，但係太太李潔瑩對數字都好敏感，嚟緊諾㦤都盼望退休生活健康無憂，有足夠嘅錢、有健康體魄去做自己想做嘅嘢，鍾意玩就玩、鍾意食就食。
太太李潔瑩早前喺生日時抱怨生白頭髮，諾㦤隔空施展冧功，讚太太仍然咁靚，又可以染頭髮，又指呢啲好正常，唔代表佢辛苦，更笑指係自己覺得咋！諾㦤近年轉戰做監製，戀上呢個崗位，佢希望嚟緊可以出埠拍節目，已計劃11月尾去馬來西亞拍綜藝節目，今次搵後生啲嘅青春女神助陣！
