何鴻燊三房千金何超雲同高級消防隊長男友Douglas於2022年被揭拍拖，二人愛得高調甜蜜。雖然宣布訂婚後，二人婚期遲遲未落實，但仍然會喺網上出Post放閃。
不過喺今年8月初，有人發現超雲喺社交平台已經刪去同未婚夫嘅合照，Douglas亦未再現身何家活動。正當外界認為二人感情有變分手時，有人發現超雲Follow一個「douglazw.jpg」嘅帳號，疑似係未婚夫擺攝影作品嘅account。而呢個帳號喺9月初分享過喺倫敦諾丁山（Notting Hill）嘅打卡相，超雲都有俾like，超雲亦喺9月8號分享歐遊靚相，同巴黎鐵塔打卡照，疑似二人同遊歐洲。而超雲仍有追蹤Douglas嘅私人IG帳號「itsdouglaswong」，二人似係已經低調復合並轉做地下情。
