前港姐郭珮文（Julianna）擁有一副吸睛嘅「最強Body」，郭珮文間唔中喺社交平台分享旅行相同福利相，令大家睇到佢好動一面。
雖然最近天氣不佳，一係大雨一係酷熱，但無阻郭珮文做運動嘅心。郭珮文噚日喺社交平台Show出多張身穿露腰小背心嘅行山相，行到身水身汗：「今天的快樂就在這山與山之間的路，攀登的汗水，腳踏實地的每一步，累到不行卻還能笑出聲的瞬間。一口清水 一句加油，和朋友一起笑 一起喘氣 一起走過的路，是因為一朵野花 一縷光 而感到的滿足，也是在崩潰邊緣對自己說『再堅持一下』。」
相中睇得出郭珮文雖然熱到濕曬，小背心嘅胸底位仲有一大撻汗印，不過郭珮文仍然好享受同陽光玩遊戲，感受大自然。郭珮文嘅靚相一Po，唔少網民大讚佢可愛，仲估佢行嘅係咩山添！
