戀愛真人騷《女神配對計劃》令葉蒨文人氣高企，亦令大家記起佢前一個為人熟知嘅身份，就係《愛．回家之開心速遞》中嘅「島大女神」Candy，雖然Sophie暫時未有得回家，但佢同金城安（周嘉洛）以及朱凌凌（吳偉豪）就合體拍攝《好嘢講多啲》。
《女神配對計劃》播出之後，好多觀眾都希望可以見到Sophie重返《愛．回家》劇組，但日前播出嘅一集就講到Candy同Mike（曾展望）已經喺哈爾濱成婚，估計二人「回家」機會渺茫。劇中Candy暗戀朱凌多年，始終未能開花結果，令好多二人嘅CP粉意難平，不過今次Sophie同嘉洛、Ricco合體開工，都算圓咗廣大觀眾一個心願。
Sophie喺社交平台分享多張三人合體開工相，互動非常搞笑，其中一張喺樓梯影嘅相，Sophie坐正中間，嘉洛同Ricco趴喺兩邊做出瑜伽動作，唔知係咪代表「女神之翼」？post一出，即刻有唔少網民留言話「回憶返晒來」，不過亦有網民搞笑問Sophie「GM知唔知你同第二個男人見面呀？」
《好嘢港多啲》逢星期六晚 19:30 翡翠台，想睇島大CP合體就記得留意啦！