陳法拉 近年投入荷里活發展，而佢花大量時間準備嘅劇本，年底亦會開拍電影，呢日佢到澳門出席活動時，就指新作將會自編自導製作，而早前同佢合作驚悚恐怖電影嘅 張家輝 有冇機會再合作，法拉就指只夠錢請渣渣輝擔任茶水一職，仲話當時經驗令自己感受到由演員進化成導演嘅技巧呀。
法拉指新作係一個西部故事，兩位主角亦係華裔演員，亦強調唔會因多咗導演身份就減少演出，只要有合適劇本角色就會參與，歡迎大家繼續邀請咁話。
近日佢同金球獎影帝哥連費路(Colin Farrell)嘅新片開始宣傳，法拉就曾到加拿大同逾千觀眾一齊欣賞作品，仲認為入場睇戲有另一種感動呀。
