戀愛綜藝節目《女神配對計劃》雖然已經結束，關嘉敏同Matthew呢對遺憾喺節目未能配對成功，不過Matthew喺節目嘅After Party勇敢示愛，又主動錫咗Carman一啖，令唔少人都覺得呢一對相當合襯。
大家都好好奇點解拍攝時二人未有擦出火花，Carman事後就指Matthew拍攝時唔夠主動。不過睇返節目未曝光嘅Camping談心片段時，Matthew已經好直接示好，仲用「養狗」做共同話題，但Carmen未感覺到，可能係因為對細John太上心。
Carman仲同Matthew分享，自己同細John講，自己明明第一個選擇係細John，但好多事都好似同佢錯過咗。Carman仲話，自己第一次寫保護名單時，其實唔係想寫Matthew，第一感覺係想寫細John，但佢又覺得細John好有唔會被淘汰嘅自信，所以佢就揀咗Matthew留低。
唔少喜愛《女神配對計劃》嘅朋友都好掛住呢個節目，而節目亦特別推出特輯《女神配對計劃 金牌媒人的最後晚餐》，即將喺9月28號晚上9點半翡翠台播出。