2025釜日電影獎日前圓滿結束，李炳憲第4度稱帝，再次奪最佳男主角獎，而未能出席頒獎禮嘅金高銀則首度奪影后寶座。
入行35年嘅李炳憲，今年同時獲邀擔任第30屆釜山國際電影節嘅主持，擔大旗為盛事揭開序幕。對於連日嘅盛事，見慣大場面嘅影帝都話有啲緊張，因為要同世界各地電影人一齊，而且在場超過3000人，要喺映後進行互動，令佢都好驚會有閃失，但自己都好榮幸可以喺30周年企喺呢個舞台上。
朴正民勇奪最佳男配角，張東健就獲頒俞賢穆電影藝術獎，過往一年成績亮眼嘅李惠利不負眾望，一連奪得最佳新人獎以及年度女明星獎兩個獎項，成為個人戶嘅大贏家！
上屆得獎者，包括鄭雨盛、林智妍、申惠善、李浚赫、鄭秀晶等，亦有親臨打手印儀式，場面星光熠熠。
