方力申陪太太醫院產檢照結構 了解順產過程直認心情興奮

方力申太太葉萱經已懷孕7個多月，愛妻號嘅小方即使工作再忙，亦抽時間全心全意照顧太太，日前佢就陪太太去醫院照BB嘅結構，檢查胎兒肢體及內臟器官，確保胎兒生長結構正常。

小方好感恩，BB一切正常，透過超聲波嘅畫面見到囡囡，心情非常興奮，仲拎住電話自拍留念。小方透露太太有意順產，所以護士就為佢哋講解「生產」過程，同介紹醫院設備。

見慣大場面嘅小方，直認聽完護士講解，小方本來心情平靜，開始感到少少緊張，不過佢話呢種感覺應該係興奮先啱，因為要開始準備做爸爸。