方媛傳懷男胎出巡視察月子中心 傳郭富城有意為愛妻豪擲近200萬坐月

郭富城愛妻方媛懷上第3胎，有傳今胎陀男B，預產期喺10月，近日網傳方媛喺一間知名月子中心出沒，大王嫂方媛挺約懷孕38周孕肚駕到，身後有六名工作人員全程護駕，氣勢十足。

近期網上流傳出方媛以一身白色系高貴打扮，高調現身月子中心，此行似係視察環節兼幫月子中心疑拍片宣傳。有傳城城有意為愛妻預訂長達56日嘅女王級別療程套餐，有傳費用近200萬港元。

據知呢間店喺內地有「最貴月子中心」之稱，幾年前喺香港開分店，療程套餐係28日、42日及56日，價格因房型、服務內容而有所調整，有部分設立於獨立別墅，陪月員24小時一對一服務，由兩名陪月員全日無間斷照顧，大約費用由逾16萬至近200萬港元，城城已計劃好完成10月成都演唱會後，即放一個月長假專心陪伴愛妻待產，非常重視呢胎。

此外，城城今日喺社交平台貼出《對你愛不完》呢個專輯嘅照片，開心表示35周年大快樂，指「1990年9月25日一張開啟我演藝旅程的專輯面世😊謝謝這些日子以來，一直支持我的歌迷，也感恩沿途透過電影或演唱會，亦加入了新的支持者」，特別今年歌迷會更設置一架周年應援卡車於台北街區上走動，非常有心思。