前港姐黃碧蓮（Linna）與開辦獵頭公司嘅創辦人兼總裁男友 Jack Leung ，於25號喺印尼峇里島完婚，一對新人喺親友嘅見證下擁吻，後方則放出彩色煙霧，畫面唯美又浪漫。
曾主持《Think Big 天地》、參演《新四十二章》、《星空下的仁醫》、《隱形戰隊》及《羅密歐與祝英台》等劇集嘅Linna，邀請咗蘇韻姿同林至昭（前名林子超）等好友見證自己嘅甜蜜時光。
Linna喺5月開心share Jack求婚成功嘅照片，之後Linna偶爾會喺社交平台分享二人嘅婚照；兩人喺7月完成過大禮，當時各式各樣聘禮擺滿客廳，不過最搶Fo嘅就係中央嘅六對巨型龍鳳鈪。
